فى غرفة العمليات
تخيل انك فى غرفة العمليات وسمعت الكلام ده
- يا لهوى!
- هييييييييه النور جه!
- طيب اذا كان ده البنكرياس،امال اللى طلعناه ده يبقى ايه!!!
- حد شاف الدبله بتاعتى؟؟!
- طب أقوله ايه لما يفوق؟ وزعلان انى سقطت 3 مرات فى الماجستير؟!!!
- الحق يابنى القطه اللى جريت بالعضمه دى،خلينا نرجع رجل الراجل من سكات!
- ياما ربنا بيخلق عجايب،محدش معاه كاميرا يا اخواننا؟
- ولا حركه محدش يخيط،أنا مش لاقى الكونتاكت لنسز بتاعتى!!!
- يا جماعه،تعرفوا اذا كان حد عاش بعد ما خد 500مللى من الهباب ده؟!
-بالراحة على مهلك,مش عايزين نحسسه إن إحنا غيرنا حاجة!
- شيل ايدك، الحاله دى بتاعتى أنا، ولا هيه الكحكه فى ايد اليتيم عجبه؟!!!
- آه يا عينى ! والله ما أنا سايبك!
- حد يسكت الزفت اللى بيدق ده،مش مخلينى عارف أركز!
- لأ حاشتغل،أنا صحيح نسيتها،بس بأعرف أشوف طشاش من غيرها!
- جاى تقوللى واحنا بنقفل ان مش ده المريض اللى جاى يشيل الذايده!!!!!!
- يا أخى سيبك من دلع الخوجات ده،المشرط مش تلم ولا حاجه!
- أنا مش عارف ده ايه بالظبط،حطه فى التلج وهاتلنا واحد بتاع جلااحة أوعيه بسرعه!!
- يلا يابنى خلّص الماتش حيبتدى بعد ربع ساعه!
- يا جدع انت شيل الملايه من على وشه،ده لسه فيه نفس وبيتكرع!!!
- انت متأكد ان الحاله عارفه ان شكلها حيبقى كده بعد العمليه؟؟؟؟
- ريحة شياط؟!!!...حريقه...........حريقه!!!!
