رسالة للنظام اللي كان ماسك فينا بأيده واسنانه واحنا مصممين علي البعاد
للنظام اللي هد مساكن الحرية وخلاها تحت الانقاض
ده لو انت بتحب مصر يعني ده لو هنفترض افتراض
ليه وانت عارف ان بلدي المفروض تبقي كل البلاد سرقتها وحولت خيرها حطام ورماد
ليه وانت عارف ان مقامنا في السما ورغم كده كنت فاكر انك اله وكل واحد فينا عبد من العباد
ليه ..وليه..وليه..هقولك ايه ولا ايه ..ليه لو في يوم ضميري صحي وقلت ابلغ عن خيانة او عن رشوي او فساد
تقولي كل عيش وروح وبطل عناد ..خليك ماشي جنب الحيط علشان تعرف تربي الولاد
لكن خلاص كفاية ظلم واستعباد ..ربنا اداك من قبلك موعظة علشان منها تستفاد
فاكر فرعون ؟؟؟ فاكر ثمود وعاد؟؟
لكن للاسف زدت ظلم وزدت قسوة واستبداد ...لكن لسا بأيدي اخد حقي منك يوم القيامة خليك فاكر
ماتنساش المعاد.
