الوفا كلمه لها معنى كبير
منهو اللي في معانيها درا
تجبر اللي في مباديها يسير
يمشي لقدام ما يرجع ورا
استمع يا صاحبي لا تستشير
وافتهم للي بقوله اشكرا
الوفا فيما مضى شيً مثير
يملك الإنسان وفي دمه جرا
كانت الخوه على مسك وعبير
ما تغير لين يدفن في الثرا
المثل يضرب على كلب الأمير
ألوفا طبعه ويمسي في العرا
في زمنَا ألوفا أصبح ضرير
يا بشر يا ناس ويش اللي جرا
انعدم في وقتنا حتى الضمير
صارت الخوه مصالح تنشرا
يا لبيب العقل يا الوجه السفير
لا تناسا لو طرالك ما طرا
الوفا راعي الوفا يذكر بخير
أن صمت بالقول والايجهرا
------------------------------------------------
شف الوفاء فيني عن باقي الناس
في ديره محصوره كل الحسن فيها
ماعرفت غيرك ولو تخالطت بجناس
دنيا الهوى ماترحم رجل ماشيها
شخص داخل الروح مثل الألماس
والعين لغيرك من قلبي دوم ساليها
عطني الأمل وحبس كل الأنفاس
ومن يطفي شمعه الحب كود واشيها
علمتني القلب ماينبض بلا حساس
وشهد الهوى منها ماذاق صافيها
جبرني كثر الغلا أطوي اليآس
ومن يلهف لدرب الوصل غير ضاميها
من يعشق بوجده يبني له الساس
والنفس من قلبه للحرب بالروح فاديها
قلبي لكم ياسامعين الرن بأجراس
أنشد عن اللي بالود بسوم شاريها
قضى عمري بين هماً وهوجاس
ولي جروحاً بالضمير تجدد مكاويها
مشيتي بدنيتي وقلبك علي القاس
والألم في ناظري والعين بالشوف عاميها
علقتني مثل حراً على كف حباس
وإلا سحابه صيف للارض دوم عاديها
بحر الهوى مايامنه كل غطاس
ومن نجى للسيف مامدت ساعد يديها
قلبك علي مثل قلب جساس
يومه غدر بالكليب بالدم فاليها
